上海廳1930 (已結業)

够朋友饭聚，不幸地我又系最迟收工的一位，但幸运地我又唔使动脑筋点菜，而到达时刚刚好系全枱摆满食物的时候。先先见到我最爱的凉拌海蜇，朋友仔真知道我心思。爽脆而且酸酸甜甜的海蜇实在开胃。至于小店的点心，卖相亦唔错，而且够晒热辣辣。我比较钟意小笼包，轻轻咬开就有满满的汤汁流出。口水鸡带点微辣，而且鸡肉都几嫩滑。呢个四小碟就可以一次过满足晒我哋四个女人的愿望，每一款都好精致。糖醋鱼块就好适合𩠌饭，鱼肉分明而且软滑，表面的酱汁甜甜地，够晒开胃。朋友仔亦介绍咗我哋食一款上海传统美食，充满咸香的金华火腿沾上甜丝丝的蜜糖，别有一番风味。上海粗炒味道唔算好出色，但份量就非常惊人，四个人share都食唔晒。