影片
更多
2017-12-15
1946 浏览
是日同屋企人出咗去深水埗嘅福荣街玩具街买圣诞装饰， 准备迎接普天同庆嘅圣诞节。黎到深水埗， 就梗系揾啲平民美食试下啦。呢间《L Place Cafe》 望落几骨子， 而且价钱亦非常之大众化。 晚市嘅龙虾大餐，都只系百零二百蚊，仲有意粉套餐， 都只系一百蚊左右， 都咪话唔超值。每个套餐都包一杯嘢饮，餐汤同牛角包，保证够饱够满足。是日嘅汤喺忌廉南瓜汤， 南瓜汤口感够幼滑，可以尝到南瓜嘅鲜甜， 又够晒暖笠笠， 增添暖意。牛角包亦相当出色，外皮够晒脆卜卜， 用焗炉翻热后先畀客人， 保证热辣辣。主菜叫咗【鲜芦笋蟹肉忌廉扁意粉】， 意粉卖相相当不俗。 鲜芦笋采用比较幼嫩嘅一种， 所以食落较翠嫩，又无渣。蟹肉嘅份量亦唔少，而且食落唔会腥。 最钟意就系个扁意粉， 口感够烟韧， 唔会煮得过淋一pat pat， 够晒弹牙，我钟意。另外加$32可以追加两款小食， 【脆炸单骨鸡翼】， 同埋【吉烈忌廉薯饼】， 两款都即叫即炸， 相当松脆。 单骨鸡翼好入味， 忌廉薯饼外脆内软， 食嘅时候千祈要小心， 唔好滚亲嘴呀~餐饮我就叫咗【冻朱古力】冻朱古力上面有一大旧忌廉， 味道香浓， 加埋落朱古力度一齐饮， 味道更加浓郁
呢间《L Place Cafe》 望落几骨子， 而且价钱亦非常之大众化。 晚市嘅龙虾大餐，都只系百零二百蚊，仲有意粉套餐， 都只系一百蚊左右， 都咪话唔超值。
每个套餐都包一杯嘢饮，餐汤同牛角包，保证够饱够满足。是日嘅汤喺忌廉南瓜汤， 南瓜汤口感够幼滑，可以尝到南瓜嘅鲜甜， 又够晒暖笠笠， 增添暖意。
牛角包亦相当出色，外皮够晒脆卜卜， 用焗炉翻热后先畀客人， 保证热辣辣。
主菜叫咗【鲜芦笋蟹肉忌廉扁意粉】， 意粉卖相相当不俗。 鲜芦笋采用比较幼嫩嘅一种， 所以食落较翠嫩，又无渣。蟹肉嘅份量亦唔少，而且食落唔会腥。 最钟意就系个扁意粉， 口感够烟韧， 唔会煮得过淋一pat pat， 够晒弹牙，我钟意。
另外加$32可以追加两款小食， 【脆炸单骨鸡翼】， 同埋【吉烈忌廉薯饼】， 两款都即叫即炸， 相当松脆。 单骨鸡翼好入味， 忌廉薯饼外脆内软， 食嘅时候千祈要小心， 唔好滚亲嘴呀~
餐饮我就叫咗【冻朱古力】冻朱古力上面有一大旧忌廉， 味道香浓， 加埋落朱古力度一齐饮， 味道更加浓郁。
其实丰俭由人， 唔一定要食贵嘢， 一家人齐齐整整咁食一餐简单嘅晚餐， 同样可以过一个温馨嘅圣诞节。
张贴
