Downtown Hot Dog (已結業)

平日好少去如心广场果边，咁岩呢一日有野做去到附近，于是入去睇下有咩食啦！俾我发现呢间热狗小店，想快又想食得简单啲，所以就拣左呢间店啦！Down Town店仔细细，都算系当眼位置，唔难揾到，简约既格局令人份外放松，放慢脚步看看人来人往的急速步伐 （笑）。除左有热狗食之外，仲有汉堡食架，不过今次我拣左热狗试下先。款式唔算多但你一定拣到心水，每个餐加$18都有一杯饮品/汤 + 薯条/沙律，仲可加钱加topping添。我叫左意大利黑松露酱热狗，配可乐 & 薯条，第一次食热狗配黑松露酱，感觉几特别，浓浓既黑松露酱配埋脆皮热狗肠，满足到喜欢黑松露既朋友啊！即时制作，薯条又是即时炸的，所以要耐心等一下喔。朋友点左墨西哥塔可热狗，topping有脆脆粟米片，微辣既酱汁令胃口更好，我自己中意食辣少少，所以稍微辣多少少会更香更吸引。我地其中一个餐既薯条加左火焰芝士，半溶芝士加上浓香薯味，同埋外脆内软既质感，真的好难抗拒，一见到咁样既芝士，咩减肥都唔记得哂啦 （笑）。