覓炙 (已結業)

放工又喺湾仔食饭，好耐无食过韩烧，就拣呢间觅炙。晚市虽然有88折，但上到去得两三台，我估系因为楼上店又只开业半年挂~ 叫咗三款肉，韩味香葱西冷卷、黑毛猪五花腩卷、原味护心肉，同沙律韩式大葱沙律。大葱沙律好 flesh ，沙律汁小小甜，不过我嫌啲葱有少少生。香葱西冷卷，唔知系咪我烧烤技巧唔得，啲肉熟，但条葱仲劲生。如果烧得太耐，啲肉又韧，而且啲肉本身又无乜味。五花腩卷就不过不失，我烧到啲边有少少脆口，又有少少肉汁，唔会干争争。护心肉都有少少肉味，千其唔好烧太熟，又系易韧。几碟都放咗洋葱丝，令到味道较为单一，而且洋葱太多又会抢味。最后要赞一赞个炉，因为个抽风做得好，所以我地走都无乜油烟味。