鮨見 (已結業)

又到左每个月一次奖励自己嘅时间，今次朋友带咗你食omakase, 因为每次都有厨师去发板，所以都系充满惊喜同期待！我哋选择咗呢一个set基本上我哋都系围住厨师嚟坐，但如果想独立空间感大啲，佢哋都有一个厢房，私隐度高啲。呢个就系多万嘅师傅，全程大部份用日文同职员沟通，间唔中都会同我哋用英文讲下笑，个人几好几得意。呢一个蒸蛋好滑，蛋味好香！上边仲有一块海胆！加添鲜味！第一份刺身系鸡鱼，食落好似真系有少少鸡味，肉质小小鞋，点柚子酱食好开胃。深海池鱼好甜好香又滑！蓝鲸拖罗师父话系当晚特别俾我哋，平时冇的。食落去真系入口即溶，好鲜！鲷鱼好甜又滑。金目鲷左口鱼配辣萝卜蓉同酸汁，好开胃，肉质好弹牙好新鲜！蚝寿司我系第一次食，蚝细细只但好肥美，而且好甜好滑！三文鱼籽大大粒涨卜卜，好鲜味！海胆亦都冇令我失望，好creamy!!呢一餐真系好丰富好满足！厨师态度十分好，时不时都问我地觉得点，又同我地交流下！食材新鲜味美！大饱口福！