樂湯雞麵館 (登龍街) (已結業)

甚少写食评，不过今次系忍唔住想写，睇到有食评话一入间店有阵味，哈～～～呢阵系金华火腿咸香味，对钟意金华嘅食客…系宝，唔钟意嘅…系臭🤣鸡汤翅配上金华，系绝配，感觉等如奶茶配蛋挞。入店后叫咗最简单砂锅花胶鸡汤翅+豆桨，好快上菜，先试鸡汤（因为有人话淡而无味），梗系无乜味啦，间舖写明少盐少糖🤣想钓返起啲味，自己加返少少盐（少少好喇大佬），成个感觉完全唔同，有花胶，有翅，有鸡，有金华，当然系唔会多啦，但94蚊仲想点？鸡确实系「鞋」咗啲，不过唔系咬唔开，翅系得啲啲，花胶有两块半左右，金华火腿丝数条，食完后感觉好满足，真心觉得唔错，下次都会再试其他嘢食👍👍