薈麵館

营业中

休息中

原来响合和中心上面有间小餐厅同中菜，上面粥粉面一应俱全。啱晒我呢啲多心嘅吃货。入面嘅装修好中式好怀旧，有几个假嘅雀仔笼高挂！有怀旧茶楼嘅特色。呢度嘅粥面餐可以自由选择配搭。我哋叫咗几个餐大家share食！可以试多几个唔同口味！牛筋腩捞面份量超级多！三大嚿牛筋再有四旧牛腩！差不多等于平时嘅两倍！牛腩同牛筋好有五香味！好入味！捞面冇碱水味。捞面会跟一碗清汤，清汤入面加入虾籽！令到整体感觉更加香。另外要做一个净云吞，皮薄馅靓，唔算多虾但味道不错。汤底有大量生菜，好甜！小食我哋要咗咸肉糭，糯米饭一粒粒，入面有好多绿豆蓉，咸肉部分我无食，但糯米点小小豉油好好入口。煎蛋虾米肠粉系令我有少少失望，虽然有蛋香几特别，但略嫌肠粉煎得唔够脆口。香葱虾米味唔错。加多个小食炸云吞，呢个反而有惊喜！云吞皮炸得又松又脆！仲送上一份五柳汁，甜甜酸酸好开胃！非常好！因为已经太饱，下次来一定试吓呢度嘅糖水！