潮州人 (已結業)

夏日炎炎跟住google map转左几个圈先揾到呢个地方，一行入去已经觉得好凉好舒服，虽然舖位唔大，但胜在整体简单舒服。同朋友两个人叫左个二人套餐，有两碗米粉，两个小食，同两枝饮品。落完单之后大概5分钟左右已经即刻有野食，非常有效率！我地拣左鸡肾同埋娃娃菜，两条小食以呢个价钱黎讲份量都唔少，而且好好食！饮品方面跟餐有两樽花旗参蜜，应该系自家制，微甜而且冻冰冰好解渴～至于醉鸡翼米粉同大砚米粉两碗都好好食，有一种好屋企冇乜味精ge感觉，大砚好新鲜，粒粒都涨啵啵，而醉鸡翼个酒味都好出。虽然望落去个碗唔大，但因为米粉好幼好软，其实成碗系好多粉！食完系真系有d饱😂呢度ge野食唔会话令人有好惊艳ge感觉，但就因为佢无乜添加令你真系食得出新鲜食材的味道，出开太子一定会再黎呢度～❤️❤️❤️