大三圓 (已結業)

间餐厅已经成为我哋家族聚会首选，皆因佢哋嘅嘢食一直保持水准，啲侍应又nice，环境舒适，总会令人有宾至如归嘅感觉。因为每次来都系家族聚会，所以都会订定位，提醒大家，如果大时大节，记得预早一个月订座啊！呢到装潢好有特色，仲有落地玻璃大水缸，新鲜游水海鲜任君选择。招牌杏汁花胶白肺汤～每次都会点嘅，味道浓郁，材料充足，每一啖都清香优雅。明炉蜜汁叉烧～肥瘦相间，𩠌饭一流。鲍汁扣鹅掌～点埋个酸汁，开胃水煮鱼选用咗上等花椒熬制而成，鱼肉厚身，煮得啱啱好，有少少麻，辣得好过瘾，不过我最欣赏嘅系啲粉！浸耐些少更惹味，师傅会跟人数比份量，绝对人人有份，永不落空。原只炸虾球～大大只，已炸至成个卜卜脆，连个虾头都可以食埋。皮脆肉嫩嘅烧鸡记得应该系有榄角、生姜等材料佢哋会有套餐，价钱中肯，份量会跟人头数变更，每样𩠌都选料新鲜，制作认真。除咗晚市，佢哋午市会提供点心，有创意得来又不失口感，推荐各位可以一试。