老長沙湘菜館

营业中

休息中

愈来愈常见d 商厦成趸都系餐厅，有时唔知食乜好，流连下呢d 大厦，睇下地下d 水牌，随时有新发现。呢间铜锣湾L Square o既楼上铺，系食中菜的，铺头唔大间，间o左三个包厢厢房之后，出面大厅其实也只剩下三张台，带有私房菜o既格调。先来点凉菜，手拍青瓜($58 未加一) 同开胃云耳($58) 用上高身一d o既碟盛载，感觉精致。青瓜新鲜juicy，汁液有助中和辣度，而d 云耳都几爽口。都估到作为正式湘菜馆，d 食物辣起上o黎可以非常劲！所以我地都特意同o左店方讲所有o野食，bb 辣就ok～农家小炒肉($128) 非常棒，用上猪腩片，口感肥美，同埋个酱汁又惹味，送饭一流……窝窝头我听就听得多，食就真系第一次，之前o系d 纪录片中提到系熊猫都可以食o既食物o黎！农家窝窝头($68/8 个)，佢似馒头，但自身带甜，啡啡地色，从英文menu 会揭示佢系由玉米粉造，就咁食已经几好食；包埋d 馅，会多一种梅菜o既咸味，但系又好鬼夹～铁板水晶粉($98) 同埋瑶柱蛋白炒饭($88) 都系掠肚仔之选，前者因为比较多汁，实际辣度都几高！水晶粉类似红薯粉，佢除左加入椰菜丝同辣椒、肉片，沉低仲有只炒蛋的。