阿四車仔麵 (已結業)

去到旺角想食个快餐，黎左呢间车仔面试下。叫左碗牛腩，麻辣鱼蛋配油面。牛腩味道都几浓味，只系老左少少。鱼蛋几弹口而且辣味唔算太重，怕辣嘅人都食得。面质偏向林，要视乎自己钟意食咩面嘅质地。见佢小食几吸引就叫咗炸墨鱼卷，炸烧卖同菜心。炸墨鱼卷就睇落比较油，但系食落去外皮脆口内里弹牙，同埋估唔到都几大块，整体算唔错，几好食。而家唔系好多地方有炸烧卖，睇落粒粒都金黄色，几好吸引。食落去几脆，配埋甜酸酱好夹。健康啲可以叫返个菜心有腩汁同蚝油拣，我地择左配蚝油，菜心都几爽口，煮嘅时间应该正常。但野饮叫咗奶茶同菠萝冰偏甜，觉得加得比较多水，反而麻麻地。舖头地方都坐得几舒服，嚟到旺角食个快餐，食车仔面系一个好选择，简单又快手。