La Casa Bistro (已結業)

同2个同事跟project，执埋d啲手尾至食lunch，由于已经过左食lunch时间，比较易揾位。行过文咸东街， 见到呢间细细间嘅意大利餐厅，因为唔想日日港式茶餐厅，所以大家都想试下意大利式。3个人坐底，张menu 好似车仔面要自己tick。3 个人各自选左唔同set，食物都几有意大利feel: 烧鸡胸野菌意大利云吞、 茄牛汤野菌意大利云吞 同埋牛仔肠意大利菜汤面， 不过餐饮就比较港式。餐饮先到，餐饮比较港式，伯爵茶、冻咖啡同冻柠檬茶，茶都几香，啡就一般茶记水准。烧鸡胸野菌意大利云吞，伴碟有车厘茄同香草，虽然系急冻鸡胸，肉质都ok，野菌云吞馅料都好新鲜，好味。同事嘅茄牛汤野菌意大利云吞，蕃茄牛肉浓汤可以同胜香园一教高下， 同意大利云吞配合得天衣无缝，正。最后系牛仔肠意大利菜汤面，跟埋多士，意大利菜汤做汤底加幼蛋面，味道好特别，汤底淡淡地，反而夹到牛仔肠味。虽然简简单单的一餐，但比一般茶记， 感觉就是不一样。