閨•家 (寶榮大廈) (已結業)

餐厅既食品主打健康养生，有特色又美味。花雕醉鸡波菜面$45波菜面第一次食好过瘾，感觉健康又新鲜。面条每条都打得非常幼细，有嚼劲，真系好好味。醉鸡大大嚿好多肉，鸡肉吸收了花雕的酒香味，正。慢煮猪软骨饭$48激赞，从未食过咁稔咁嫩，仲要咁入味嘅猪软骨，个汁可以送到成碗饭🤤嗌饭餐仲会跟个细盎嘅是日靓汤，非常抵食。一至日推出嘅靓汤都唔一样，今日星期五系《五指毛桃淮山煲鸡》$28 一大盎，足料又好味，啱晒我呢啲经常出街唔够汤水嘅人滋润一番。手拍青瓜$28手拍青瓜系我最爱嘅凉拌之一，爽口清凉又开胃，仲铺满蒜粒同辣椒油，食落好过瘾。