西香記 (已結業)

周六去港岛行山，经港大，落左去西环揾嘢食，门口见到系食陕西菜，觉得唔错，决定一试。店面细细，地方企理。一入门口，左边就系收银位，先点菜，之后坐低等叫number，自己去攞餐。行完山，出左一身汗，有籍口食多啲，补充番，所以乜都试下，食得好丰富。有面，有夹馍，小菜，同饮品。孜然牛肉夹馍料好足，牛肉同几种配菜一齐食，小小辣，好惹味，怕辣既朋友都可以食到。外面既夹馍系热既，明显有烘过，夹住孜然牛肉齐食，好juicy，好快比我食晒口水鸡鸡滑，我再另外加啲辣酱，仲惹味，又系劲快比我KO晒纯手工炸酱扯面呢个扯面最钟意呢款面系宽身既，真系第一次食，好滑好弹牙，真系好好食。炸酱，青瓜丝，红萝卜丝，再加埋佢啲秘制酱汁捞埋个面一齐食齐，真系几清爽，惹味。而且，配料分量都几多，食完个面都仲有剩。最后饮埋杯酸梅汤，消一消，中和番啲辣，满足临走见佢有凉皮，下次先再试。