影片
更多
2019-08-04
266 浏览
是日女友OT，八点几都仲未食饭，所以就去买d嘢上佢office食，女友话唔想食麦记咁heavy，咁啱经过「唐包点」，就决定买"一盅两件"一齐食喇。「唐包点」属于唐记包点旗下快捷店，每样食物都系独立包装，食起上黎更为方便简洁。 两个人叫左一个蒸饭，两个点心及两个包，再加支豆浆，份量刚刚好。北菇滑鸡饭都算大碗，饭粒吸收左鸡油后唔会太干，鸡肉份量都几多，入口够淋够滑，配埋姜丝食落无咁油腻。烧卖卖相吸引，每粒都有大大只虾系面，入口口感够爽，肥猪肉唔多，但已经有足够嘅肉汁，食落唔会干身。鲜竹卷馅料有猪肉，木耳及红萝卜，食落够爽口，蚝油汁唔会太杰身太咸，配饭食一流。香菇鸡肉包入口好香菇味，加入木耳令口感更爽。奶皇包虽然唔系流心，但奶皇馅算多，新鲜出炉都要小心慢慢食，味道唔太甜，食完咸野食返d甜野，感觉无咁腻。豆浆味道唔太甜，豆味算浓郁，唔会太工厂感觉。晚餐虽然简单，但两个人一齐食都有种温暖嘅感觉。
「唐包点」属于唐记包点旗下快捷店，每样食物都系独立包装，食起上黎更为方便简洁。 两个人叫左一个蒸饭，两个点心及两个包，再加支豆浆，份量刚刚好。
北菇滑鸡饭都算大碗，饭粒吸收左鸡油后唔会太干，鸡肉份量都几多，入口够淋够滑，配埋姜丝食落无咁油腻。
烧卖卖相吸引，每粒都有大大只虾系面，入口口感够爽，肥猪肉唔多，但已经有足够嘅肉汁，食落唔会干身。
鲜竹卷馅料有猪肉，木耳及红萝卜，食落够爽口，蚝油汁唔会太杰身太咸，配饭食一流。
香菇鸡肉包入口好香菇味，加入木耳令口感更爽。
奶皇包虽然唔系流心，但奶皇馅算多，新鲜出炉都要小心慢慢食，味道唔太甜，食完咸野食返d甜野，感觉无咁腻。
豆浆味道唔太甜，豆味算浓郁，唔会太工厂感觉。晚餐虽然简单，但两个人一齐食都有种温暖嘅感觉。
张贴
