阿鴻小吃 (已搬遷) 新店位置

阿鸿小吃深入民心，以前系北角果阵我无机会帮衬，反而搬左去观塘后先有机会试下。今次同柑太去晚饭，原本想食意大利野，最后都系变左食阿鸿。因为我同柑太都系细食之人，决定叫一个饭加一个𩠌，佢想食鹅片，于是就叫鹅片饭，而再加一个并盘，谂左好耐，就食牛展加猪腩肉加个猪耳。等上菜时，留意下四周，发觉中式风格之外，其实夹杂好多港式元素，台面既餐纸都好用心机去介绍阿鸿小吃既来由。等左一阵，个鹅片饭就上台，每执鹅片都切得几厚，食落口感几口，咬多几次等个肉汁同卤水汁混和后吞，浓郁既卤水入面有甘甘甜甜既肉味，几好。鹅肉嫩，亦几少肥糕，卤水汁比个饭吸左，反而食落唔觉太咸。不过层皮几韧下，咬左两啖就放弃吐番出黎。卤水三并，猪耳同埋腩肉最好，牛展味道唔深，唔算好突出，猪耳食落有咬口，而腩肉几出色，肥肉唔多，松软入味。而佢个并盘底有豆腐，吸左卤水后，唔太淡，算系惊喜。食到一半有少少口渴，于是叫左杯紫贝天葵饮，味道唔错。无论价钱服务同食物质素都唔错，不过地点比较远观塘中心区，而且主打小菜，我呢类叫客饭既人未能试晒所有野，希望下次再黎可以叫多几个𩠌。