學利 (翠屏花園商場)

营业中

休息中

和家人二人食晚饭，因为今日实在太大雨，也无心机在家煮食，也没有心机去咁远食，唯有去家附近食完就算啦。呢间学利鱼蛋位于大埔翠屏商场地下，都真系开左好多年。我地大约下午5点50分来到，无咩人。见到餐牌写有下午茶到6点，但原来只系适用系星期一至五，星期六原来无的。(1) 五香牛腩米线: 五香味几浓，亦好钟意佢地会另外加好多葱和干蒜令到成个米线味道更加丰富。牛腩算系淋，容易咬的，但要睇佢的唔同切法。佢有几旧牛腩切得较细，就容易咬一啲，有啲牛腩位会夹埋啲牛筋就更加好味，但有1旧牛腩切太大，而且较为硬同干，最后都食剩左呢旧。(2)炸鱼蛋米线: 呢个系佢地较出名的食物，个炸鱼蛋外型好得意，大大粒、隋圆形，咬落去好爽口，而且呢个系清汤底，反而觉得淡淡地，更适合大雨天时候食。(3)腐乳通菜: 呢个都几好食，个菜基本系新鲜无渣，个腐乳味道都唔错。食完成餐饭都系大约用左30分钟左右，天气唔好，无咩心机食饭，呢个也是不错之选择。