菓一道健康餐廳 (已結業)

这店好耐之前还在广东道尾有铺时已经见佢每日午餐时段经常有人龙,生意算几好, 至后来整条广东道因为自由人的关系,租金番上几倍后街铺尽变金铺,表铺,名牌二手店同药房, 做小生意嘅食肆只有上楼那条路, 而这店上来这平台都应该有几年时间了, 老板可能都转了人吧, 生意应该无做街铺咁好但相对租金压力也少一点吧, 周末下午的午餐时间多不过五枱客, 所以环境是没得说的清静了, 适合想静静地跟朋友倾下偈, 因为这里出嘅餐比较简单, 一个餐汤跟住主菜, 跟住就系餐茶, 要快也可以很快, 我们当天叫的是: 腰果沙茶酱板煎鸡扒配有机红糙米饭$62, 有机红糙米唔算太粗糙当白饭食可以了, 腰果沙茶酱唔太觉腰果就当普通沙茶酱可以了, 鸡扒算不干不嚡有少少Juicy份量也刚刚好, 西班牙素丸子杂菜炒意大利面$61素丸子就是豆类做的比较上有咬口的面团配埋个甜甜地嘅汁基本上可以当食紧肉丸, 但当然唔有有肉的甘香亦唔会有肉的纤维啦, 杂菜就系样样都有d咁啦, 餐茶算过得去没什么好与坏了, 不过在这区咁嘅环境又唔系太贵, 除咗那两大餐饮集团之外, 大家都可以负担得起, 这店都算系唔错嘅选择!