Global Work Cafe by UCC (已結業)

两位靓靓姊妹约我星期六去食tea , 三人行食high tea比较麻烦，大部份for two多 ！打算拣一间可以静静咁倾下计 ，又坐得耐嘅cafe，最后拣咗位于世贸嘅UCC 。是日靓女车去攞位先，星期六都蛮多人㗎 ，等咗20分钟左右先入座。我放工赶到来，已经无晒沙律bar啦，不过下午茶时段有几款tea set供应……1.海鲜意大利烩饭(龙虾汁)($74)  : 海鲜唔多，得两只虾、几件鱿鱼圈、三件西兰花及蕃茄等。饭粒比较湿润腍身。2.照烧鸡肉三文治($72)  : 鸡肉切薄片，肉质偏干 ！好在三文治有烘底 ，脆脆地好食啲！3.绿茶红豆法式多士($69)  : 多士口感似西多士，只是西多嘅花生酱+牛油换咗做绿茶雪糕+忌廉红豆啫！可惜红豆蓉实在太少了 ！每款tea set包咖啡/红茶/橙汁。我地三个都不约而同地拣最健康嘅橙汁嚟饮 ！倾下坐下，咁就4点几，都几hea㗎！