欣榮咖啡室

营业中

休息中

平时好少特登行去荃丰-华都-荃昌方向揾食，见奶茶group有谷友推欣荣嘅奶茶，揾日平日有时间就去叹下杯奶茶。当日就算过咗午餐时间有8成位都满，要搭枱。一坐低拎起餐牌，对面个伯伯同我推荐猪扒包同奶茶，最后决定听伯伯意见🤣奶茶-够厚身，茶味有层次，前浓后甘，奶味刚刚好，系我杯茶👍🏻猪扒包-大大块猪扒，肉质唔系行松软路线，有咬口得嚟唔会好硬，中间有沙律酱加黄芥末酱。本身个人唔食太酱汁，食到一半"了"走部分酱，店员姨姨就好好心咁问👩‍🍳你系唔系唔食黄芥末，叫我地走呀嘛😺唔系呀，我唔食咁多酱👩‍🍳下次叫我地少酱嘛，无问题架😺唔梗要，系我头先唔记得讲加埋搭枱嘅伯伯，呢餐我食到小店嘅人情味，令到看似普通嘅野食，拥有普通的美味。