Outback Steakhouse (黃埔天地) (已結業)

晏昼同事话要食outback，但自己就无咩胃口勒，想食素清淡D，好彩outback唔只可以食牛汉堡，仲有素菜三文治比我拣。Set lunch首先黎左个粟米忌廉汤同沙律。汤有好多粟米又creamy，几好饮。沙律菜就麻麻地新鲜，有少少开始氧化出锈。果仁麦餐包新鲜出炉极软熟，配埋淡牛油，出奇地好食。素菜三文治卖相几好，工工整整正长方形，蔬菜调味几好食。不过三文治面个层包唔知点解又干又硬，咬左几啖已经唔想食。旁边兜配菜既味又怪怪地，成兜都无食。不过薯条就热辣辣脆炸 😋 边食边饮柠茶。全餐黎讲无话好好食，但都算系ok 啦。唔知分区outback会唔会好食D呢？