鮨金和食料理 (已結業)

礼拜日去咗铜锣湾上楼食日本菜，今日呢间餐厅食物几扎实不花巧，用料新鲜。前菜三小碟有𫚭鱼真子，尤鱼大根及鸭胸，开吓胃几唔错。蟹肉蒸蛋，蒸蛋上面加咗蟹肉及三文鱼子，所以入口口感丰富，鱼子卜卜脆，多种鲜味。寿司有后厚切墨鱼，坊间比较少见厚墨鱼，差唔多成2cm厚，所以绝对考师傅功夫，口感软糯啱啱好，慢慢咀嚼会渗出甜味。银鳕鱼腩边，入口非常爽口，比一般的更脆身，食落油份慢慢渗出。火灸喜之次，油份重，肉味又几突出。油甘鱼中间有少少芝麻，芝麻香又系慢慢渗出，唔会过分喧宾夺主。牡丹虾，师傅会用火枪系你面前炒香虾头的虾膏，之后铺喺牡丹虾上面，所以入口虾味会更加突出，有虾膏嘅甘香，之后再食到牡丹虾嘅甜味。盐水海胆寿司，唔会有化学味，味道回甘，余韵悠长。之后上嘅煎蛋似布甸口感，除咗蛋香带点甜味。最后鱼汤用上鲜鱼熬出，味道香浓，而且热辣辣，作为最后一道菜就啱啱好！餐厅大部份嘅寿司师傅会加海盐或岩盐，唔会太花巧，入口味道简单直接，鲜味突出，口感清爽。