小安南越南河粉 (已結業)

样样都想试, 一于嚟个火车头汤河. 有牛肉, 牛丸, 扎肉同鸡丝. 一开始又系试下个汤底先, 虽然唔系太浓味, 但至少唔咸,唔会食完之后好口渴. 餐厅提供嘅肉类系嚟自美国或巴西, 啲牛肉够嫩, 最怕浸下汤之后会好’鞋口’. 晚餐时段, 可以以优惠价另加小食.越南春卷皮薄料足, 香矛鸡翼就非常香口但唔会好油腻. 两款都要趁热食呀. 再嚟真系要提下个特饮: 蜜糖姜鲜柠茶! 姜味浓, 系因为每啖都饮到’姜蓉’. 三样材料配埋红茶, 好夹, 好味.