老厝邊

营业中

休息中

一直都知道大角咀嘅老厝边好出名，但对于我黎讲就唔系太方便啦。见到佐敦原来都开左老厝边，就决定试下。超浓芋泥起司蛋饼芋泥超级顺滑绵密，好香嘅芋头味，食落好香甜 。芝士亦都热到流心，仲有肉松嘅咸香，加埋芋泥嘅味道咸甜咸甜，味道好丰富。蛋饼本身都充满蛋香，好推荐叫呢个蛋饼试吓。酥炸排骨卤肉饭排骨超级大块，炸到好香脆。另外卤肉都好肥美，充满油香。仲有啲粟米粒同青菜做配菜平衡番，食落去唔会太油腻。香葱油嫩鸡干拌面鸡肉食落同望落都又白又嫩滑。葱油味道好香，好适合拌面。蜂蜜柠檬爱玉加仙草蜂蜜柠檬够消暑开胃，爱玉同仙草都系系比较健康嘅选择。