J’s Bistro (已結業)

.睇完电影行完D2，发现开左间小店，应该系新开既，价钱又唔算好贵，所以决定试试佢。佢地系半自助形式的，客人可以自己去拎冷热水饮，同埋餐具、手套等等，宜家好似越来越多小店都用呢个自助方法lu.....半只烤春鸡套餐 ($118)碟鸡上台既第一秒我地就「哗」左一声，下一秒就系心谂...咁大件既?!早知叫1/4只鸡好了。个烤鸡烤到热辣辣，好香呀...同埋个烤鸡皮系烤到刚好，是脆脆地既，鸡肉就好多汁同啲肉都好滑，连鸡胸部分都唔会太"鞋"口。半条烧烤杜洛克猪仔背骨套餐 ($118)呢个猪仔骨都几出色，酱汁既味道好浓郁好惹味。肉质既口感有点硬身，需要嚼耐一点点。意式蔬菜浓汤 (跟餐)呢个意式蔬菜浓汤，我以为只系得蔬菜，点知原来超足料的，有埋通粉系入面既汤，就比较少见了。个汤因为太足料，而且味道几好，好易唔小心就吃饱了。细胃姐要小心点喇!!双配菜套餐 ($56) 酿蘑菇、羽衣甘蓝蕃薯沙律叫左套餐的话，可以加钱配小食的，叫双配菜就只系加$56。酿蘑菇既口感好得意，一口一粒，满满既芝士味同蘑菇味系口入面爆发，真系好正。羽衣甘蓝蕃薯沙律就属于一般般，无咩太大惊喜。