百芳池上便當 (活@KCC)

营业中

休息中

見喺公司附近開咗一段時間，今次第一次幫襯。餐牌好多選擇，一時間好眼花。最後選擇咗百芳豬扒便當同夜市名物拚盤。豬扒便當好豐富，豬扒炸得好香脆，亦好Juciy，冇炸到乾晒，配菜有啲粉絲，有好多椰菜甘荀絲同半隻蛋，亦有好味粟米粒，所有配菜都好好送飯。夜市名物拼盤有古早味香腸，腸面脆口，入面幾濃味，生甜地唔錯，有鹽酥雞炸到好脆，雞肉唔乾身，地瓜丸我最鍾意，外脆內軟，地瓜蓉好香甜，食到停唔到。絕對可以一試。