Cafe Fabulous

营业中

休息中

有时候都会特登揾一间舒服嘅Cafe比自己好好咁休息一下，今次就上网揾咗呢一间喺旺角登打士街广场嘅cafe fabulous！见到呢间餐厅几靓，而且食物嘅性价比都几高，于是就带咗男朋友过嚟撑枱脚啦！呢一间餐厅嘅环境气氛真系好好，成个感觉都好舒适，仲要有好多唔同嘅小游戏可以俾我哋玩！而且呢度嘅食物质素都几好，我自己都几钟意呢一个芝士肉酱千层面！芝士嘅香味加埋上面嘅薯蓉，令到成个肉酱千层面度充满着芝士嘅香味！而且呢个千层面嘅口感好好，一层面一层肉酱，食得好滋味！呢个就系佢哋嘅黑松露薯条，薯条加咗黑松露约咗汁真系特别好味，而且呢度系用咗粗薯条！所以更加重薯仔味同埋有口感！