河內越式料理 (西洋菜南街)

营业中

休息中

星期五放工去左旺角买嘢，顺便食埋野先返屋企，简单食左个越南粉。极品牛三宝汤河粉 $71三寳有生牛肉、牛展、牛丸，汤底都几浓郁，生牛肉最好食唔韧。天气凉食碗热辣辣嘅河粉真系好好，芽菜又爽口。顺化猪肉卷捞檬 $63猪肉卷外皮金黄香脆，里面猪肉甘香。捞檬就我一向都钟意食，青瓜红萝卜丝同埋生菜丝捞埋檬粉，加上鱼露，清爽又好食。越式猪颈肉 $32我哋追加左一份小食猪颈肉，虽然系细size嘅，但系份量都OK，有差唔多六七件，香茅味几香，猪颈肉爽口，但系略嫌干咗少少，要来𩠌汤粉唔错。饮品方面，我哋叫咗两杯热饮，柠檬蜜糖姜茶同埋蜜糖柑桔茶，姜茶好浓，柑桔茶都好足了，饮完喉咙几舒服。