影片
更多
2018-12-30
149 浏览
Boxing day 友人都要返工开OT赶project，圣诞就简简单单，志在聚下，友人订枱附近The One间越南餐厅，话午餐黎得多，食物唔错，夜晚要订枱架，因为太多人等候㖞。1830到，时间尚早未见等位人龙，入座时侍应讲明限时90分钟，吓？唔紧要喇，反正友人仲要返公司赶工。餐牌推介有两款，为追时间，就叫晒两款，再加埋越南菜必食既串烧！再慢慢倾。青木瓜丝大虾沙律黎到另上鱼露，仲要唔细支，要几多自己黎。但我就一唔小心成支倒晒，搅到食到尾有D「水浸」情况😆 大虾几爽身，青瓜唔太够丝，食上黎硬左D，鸡柳粗身而且唔多。如果青瓜同鸡柳可以再切幼D就最好，依家唔多似沙律。越式拼盘份量岩岩好，虾饼好大粒下，新鲜炸起，外脆，虾肉够爽，唔系成口面粉果种👍🏻；春卷入面既粉丝就带少少油，炸嘛，所以可以接受既👌🏼；猪颈肉望落好似㶶左D，不过唔系干柴柴，又不肥不腻，好食👍🏻；粉皮卷一向都唔系我杯茶，黎个仲有阵冬菇「噏」味，所以只系食左啖就放底左，不过友人就唔觉有噏味，而系完全无味㖞😅串烧 - 猪、牛、鸡（半打）串烧理应牛最好食，但黎到烧到㶶晒，又硬又干👎🏼鸡串烧得尚好但⋯又无味既？唔通黎排圣诞食得多，食坏左条
1830到，时间尚早未见等位人龙，入座时侍应讲明限时90分钟，吓？唔紧要喇，反正友人仲要返公司赶工。
餐牌推介有两款，为追时间，就叫晒两款，再加埋越南菜必食既串烧！再慢慢倾。
青木瓜丝大虾沙律
青瓜丝大虾沙律
29 浏览
0 赞好
0 留言
黎到另上鱼露，仲要唔细支，要几多自己黎。但我就一唔小心成支倒晒，搅到食到尾有D「水浸」情况😆 大虾几爽身，青瓜唔太够丝，食上黎硬左D，鸡柳粗身而且唔多。如果青瓜同鸡柳可以再切幼D就最好，依家唔多似沙律。
越式拼盘
越式拼盘
21 浏览
0 赞好
0 留言
份量岩岩好，虾饼好大粒下，新鲜炸起，外脆，虾肉够爽，唔系成口面粉果种👍🏻；春卷入面既粉丝就带少少油，炸嘛，所以可以接受既👌🏼；猪颈肉望落好似㶶左D，不过唔系干柴柴，又不肥不腻，好食👍🏻；粉皮卷一向都唔系我杯茶，黎个仲有阵冬菇「噏」味，所以只系食左啖就放底左，不过友人就唔觉有噏味，而系完全无味㖞😅
串烧 - 猪、牛、鸡（半打）
串烧 猪 牛 鸡
31 浏览
0 赞好
0 留言
串烧理应牛最好食，但黎到烧到㶶晒，又硬又干👎🏼鸡串烧得尚好但⋯又无味既？唔通黎排圣诞食得多，食坏左条脷😳。最好食系猪，干身得黎入面仲有肉汁。仲有不得不赞个花生酱，粒粒花生有咬口又香👍🏻👍🏻，不过可惜都救唔番D牛。
其间见到左右隔离枱分别上个咖哩牛腩配法包同原个椰青焗海鲜饭，望落几好，个椰青大大个又几吸睛，应该够三四个人食；而咖哩就几香。我地预左转场食甜品，所以就留番下次再黎试。
唔知系咪圣诞忙关系，侍应个个都无表情，其中一个可能只识英文既非本地人/华人侍应，同我地落单，稍为讲慢D，就「then…then…then...」。㨂嘢饮慢左，又再即刻黑面，不耐烦咁又不停「Then?…And then?…And then？」结果系被催促下㨂左杯以为唔会死错既红豆冰，点知就出左事红豆原粒仲大大粒，不过又硬又无味（又无味？！），只得椰汁同冰味，连甜味都欠奉
红豆冰
14 浏览
0 赞好
0 留言
果位侍应都真系几无礼貌，上串烧果阵，因为二人枱细，又水杯又野饮又汁，拼盘岩岩先开始食，沙律碟又未收，跟本无位放，初头佢目无表情齐企度唔郁，友人望下佢，我地心谂，你唔系要客执枱呀？果位侍应见无人出手，好求奇用串烧只碟推埋D碟拼盘，搅到差D推卸个猪颈肉汁，碟花生酱就直头放系我份筷子上面😠 个侍应跟手收左沙律碟令转头走，但同时被隔离枱截停，用国语问佢有一杯仔芽菜同疑似九层塔放边到食，唔知位侍应唔识听定唔识讲，望下个客就行左去个客再问行过既第二个侍应，黎个有反应，不过就唔知系咪又唔识听/讲，喺系咁意指下碗面就算我友人好心就开声答隔离个客，免得佢地问极都无人理喇。明白大时大节食市都系忙到不停手，客亦都唔系大晒，但果位非本地/华人连最基本既礼貌都无啰。
我地1945未够就走，因为越坐越热，似无冷气咁。行出门口，又真系好多人等紧㖞。
张贴
