小倆口台式漢堡蛋餅專賣店 (已結業)

今日星期一，唔系好肚饿，自己一个又冇带饭又唔知去边度食，就试下哩间台湾蛋饼小店啦！铺头比较旧，如果装修可以靓d就更加舒服。老板好热情请我就坐，餐牌好简单，一眼就望晒，当然我就试佢地招牌嘅吞拿鱼配肉松蛋饼！其他嘢食都好似唔错喔！蛋饼黎到份量有6块，馅料多到爆晒出黎。可能吞拿鱼系预先捞好放系雪柜，所以唔系好热到入心，但份量系足够嘅。见到仲有类似蜜糖淋左少少系上面，令蛋饼带甜味。唔好以为佢细细份唔会饱，原来食落都有饱足感！可以配奶茶或者柚子蜜，我怕我肠胃敏感所以拣左柚子蜜，老板好细心将渣隔开，临走仲提醒我攞遮添！