cookedDeli by city'super (已結業)

晏昼去到海港城，唔想去餐厅排队等位，咁就去试吓呢一个food court。里面其实都几多选择，韩国菜、越南菜、烧味、日本野都有。本来想试吓有间食乌冬的，但点知佢今日吉列猪扒卖晒，𠮶阵时都只系晏昼2:00。咁我哋就转食隔离间拉面，我哋今日就拣咗猪软骨拉面同埋叉烧拉面，另外加多个日式煎饺。猪软骨拉面猪软骨拉面汤底比较浓，拉面都几弹牙，但猪软骨得两旧，比较林身，食落就普通啲。另外每碗拉面仲会跟一杯绿茶。叉烧拉面，日式煎饺叉烧拉面个汤底相对上面𠮶个猪软骨拉面比较淡身，个汤头都冇咁杰，叉烧都好食，我比较欣赏佢个日式煎饺，由于系即叫即煎，所以热辣辣，好好食。我哋嘅拉面就系喺呢间舖买的。八番面工房。