老媽拌麵 (屯門市廣場1期)

营业中

休息中

第五波疫情😷见餐厅客人唔算太多，同朋友就谂住简简单单食个lunch就走人🙈环境，服务，味道都不过不失！川味红烧三宝牛肉面$82汤底浓郁微辣，配料有牛腱、牛筋同牛肚，仲有白红萝卜同菜胆。牛腱好腍，入味又甘香，牛肚爽口，牛筋又滑又弹。面拣咗阔面，爽滑有嚼口。豆乳香香鸡饭$68套餐有汤、凉拌菜同主食。白红萝卜汤几清甜，大豆芽菜爽脆，几开胃。炸鸡外皮酥脆香口，肉质嫩滑入味。咸香惹味嘅豆乳，捞埋珍珠米饭一齐食，仲有半只溏心蛋、青豆同菜，好丰富。老妈黑糖珍珠巧克力$33黑糖味浓，味道较甜，珍珠都几弹几有嚼口。