三川居酒屋 (已結業)

收工去左铜锣湾宜家买下新居既野，行完既时候原来已经成9点，兜下附近有间居酒屋，1条友就落去医肚了。间铺喺地库，要行条楼梯先落去。眼见铺入面唔大，10张枱左右，装修几有居酒屋既感觉。先黎个吞拿鱼刺身，厚切食紧𠮶时好有质感，食唔到雪既味道，唔错！锅烧汤手打乌冬，有只虾天妇罗同鸡肉，汤唔系好浓，乌冬亦都好弹牙。烟肉烧年糕，第一次食几得意，外面烟肉烧到脆脆既，入面年糕就烟烟韧韧。牛柳串，厚肉得黎好淋，咬落亦都好juicy。