農家意粉

营业中

休息中

就如大部分食家所讲，餐厅内部真系似补习社，估计佢哋系想帮补支出，以前睇过农场餐厅嘅报道，原来曾经好辉煌，老板好有雄心壮志去经营，可惜光辉不再。都几多选择嘅，酱汁方面有芥末/红酒呢类特别小小的，都有啲希望。个餐汤好香！好重牛味！应该系煲咗好耐嘅牛骨，每一啖都有牛嘅精华，虽然佢卖相真系好普通好家常，估佢唔到！牛扒仲可以拣几多成熟，于是：肉眼扒五成，极级牛肩肉七成。肉眼扒5成啱啱好，配埋芥末汁，估唔到都几夹；牛肩肉叫7成熟结果有啲老，仲要咁啱成块扒都有筋所以好难嚼。。。 不过食正肥膏嘅位置就好香， 可能系我拣得唔好；番茄有煎过呢下觉得佢哋都几有心思，只系谂唔明点解要加粟米蓉，for配菜点嚟食？不过整体唔差，似花园餐厅略平版。