小娘惹 (已結業)

见到啲食评好似几好，所以今日去试吓食晏。未够12点已经去到，门口个牌写住11:45开门，个铁闸半开，前面有两位街坊等紧，所以知道佢未开门。大家好有耐性咁等到12:05，终于开门。个老板娘懒有礼貌咁讲早晨，然后放我哋入去。佢突然之间大叫: 小姐等等，等我嚟带位。我哋然后全部人要走返出去铺嘅外面，佢先至施施然逐个带入去。未食饭个感觉已经非常之差😒坐定之后，佢施施然过嚟落单。 叫咗招牌喇沙，喇沙利尼道嘅时候系微温，一啲都唔热。味道一般。老实讲附近有更加多好味嘅喇沙！ 因为招牌喇沙有虾，啲虾系连虾壳嘅。餐听冇纸巾提供，又冇垫枱纸。我都挣扎咗好耐啲虾壳放喺边度。最终放弃要放喺枱上面。唔够5秒，个老板娘好嬲咁走埋嚟，劈咗张白纸系我枱面上，然后大叫唔该将啲唔要嘅嘢放喺纸上面！因为冇纸巾，叫佢比几张。佢话等一阵。点知等左十几分钟都冇攞过嚟。厨房入边个阿姐出嚟收野，我顺便叫佢比纸巾我。佢望住我5秒，然后用纯正嘅普通话同我讲听不懂，跟住转头走。我喺鲗鱼涌返工咁耐，食过咁多间食店，从来未试过咁受气。个老板娘用嘅词汇懒系好有礼貌，实际上语气同态度超差。呢一间已经放咗入black list, 以后都唔会再帮衬😤