New York Cafe & Bar (已結業)

咁之前男朋友系果边食过，唔系特别好但附近买唔到沙律外卖，谂住问下有冇得净系买1个沙律攞走。好啦，咁个姐姐话等一等，佢要问下人。咁ok 左话无问题，我就要个田园沙律48加烟三文鱼加68，总共116。我俾左120蚊唔洗找。咁个姐姐又叫我等一阵，因为厨房系后面要等大概10分钟。好啦，之后又有一个男侍应攞个外卖岀黎，我就满意咁攞住走，结果路上一看！咁就值116？咁嘅价钱已经可以系一间高级餐厅食到唔错嘅沙律！咁嘅沙律4块生菜就已经占左个外卖盒嘅8成，上面加2条青瓜一啲洋葱同pinenut就48！都算，三片细到好似花之恋咁嘅三文鱼就要68，会唔会太贵左啲！重点系唔系特别好食，都唔明点解仲有咁多好评