影片
更多
2024-07-17
1987 浏览
带定头盔先，其实已经去左好多次，平时去已经觉得系好西既西餐，但今次食完呢餐生日饭，真系觉得要上黎比一比个好评先。之前饮过龙虾汤，蘑菇汤都觉得大厨好有诚意。当然，平时去唔会次次叫扒，因为惊食唔哂，所以通常都系叫意粉食。其中非常欣赏佢既龙虾汁意粉，我个人觉得真系好好食，系次次都想 encore 既一道。讲番正题先，因为男朋友生日，想食西餐但又唔想出去比人㓥，所以又谂起呢到，就 book 左 table for 2。当然，落booking既时候有提过系庆祝生日。由于男朋友好想食蚝，就问下唔知餐厅会唔会订到，点知又真系有!! 结果就落左两打，应该系大厨推荐系西非蚝。去到用餐当日，因为庆祝生日既关系，我地比平时叫多左，讲真全日净系等呢一餐，哈哈。 头盘，一人一客 南瓜蛋黄酱龙虾沙律，真系好好味~ 我直情觉得，我胃口细，净系呢个道已经饱一半，因为龙虾好大只!! 第一次食呢道，龙虾好新鲜，唔系雪藏野，咬落去系有弹性，肉质实净，配埋个南瓜蛋黄酱，就连我呢个平时唔食南瓜既人，都觉得个酱好好食。第一道已经好高分。之后上全晚重点，一人一打西非蚝!!! 睇番张相，其实Size 唔失礼，简单讲我地两个都觉得好食
之前饮过龙虾汤，蘑菇汤都觉得大厨好有诚意。当然，平时去唔会次次叫扒，因为惊食唔哂，所以通常都系叫意粉食。其中非常欣赏佢既龙虾汁意粉，我个人觉得真系好好食，系次次都想 encore 既一道。
讲番正题先，因为男朋友生日，想食西餐但又唔想出去比人㓥，所以又谂起呢到，就 book 左 table for 2。当然，落booking既时候有提过系庆祝生日。由于男朋友好想食蚝，就问下唔知餐厅会唔会订到，点知又真系有!! 结果就落左两打，应该系大厨推荐系西非蚝。
去到用餐当日，因为庆祝生日既关系，我地比平时叫多左，讲真全日净系等呢一餐，哈哈。
头盘，一人一客 南瓜蛋黄酱龙虾沙律，真系好好味~ 我直情觉得，我胃口细，净系呢个道已经饱一半，因为龙虾好大只!! 第一次食呢道，龙虾好新鲜，唔系雪藏野，咬落去系有弹性，肉质实净，配埋个南瓜蛋黄酱，就连我呢个平时唔食南瓜既人，都觉得个酱好好食。第一道已经好高分。
之后上全晚重点，一人一打西非蚝!!! 睇番张相，其实Size 唔失礼，简单讲我地两个都觉得好食。以我地呢啲对蚝唔系好高要求既人，我同男朋友食得好开心。
然后，亦都系好期待既鹅肝，讲真，唔系我吹水，影埋比你睇，佢块野... 大大块!!! 以佢呢个价钱，出面我谂冇乜边几间餐厅系可以比到呢个size既鹅肝你!! 又或者可能系生日饭，大厨比大块啲... 挂... 哈哈 总之，食得好满足。
食完鹅肝，有法国田螺，呢个又系男朋友觉得好好食既一道。调味好出色，配埋薯蓉，一人三只觉得唔够食，只可惜其实去到呢到我地已经好饱了。
最后，上左个猪鞍，其实都食唔哂~ 我唔食猪，男朋友都尽力食左一大半，加埋两杯野饮，呢一餐非常满足。
好欣赏个大厨，因为佢每一道菜都好食，讲真食咁多次，冇一样系叫左会后悔，或者叫左会失望。今次呢个生日饭，简直令我地更加欣赏佢。所以冇办法了，唯有变成饭堂 哈哈
张贴
