金不換泰國餐廳

营业中

休息中

我一早打电话去booking订7点食晚餐，电话服务员话今日已经唔接受电话预约了，仲叫我去到排队等walkin啦！我都觉得无所谓，咪同一家四口5点半去食啰，谂住咁早食唔洗排队又唔洗急急脚走，点知去到呢间餐厅门口个接待人超级无礼貌啰，我话小姐唔该四位，佢就即时话而家入嚟食的话只可以食1个钟头20分钟，够钟就即刻走，吓！我即时回应佢话妳呢间系泰国餐厅㖞，唔系茶餐厅，得𠮶1个钟头20分钟边够时间食呀！坐低望望餐牌都几分钟啦，点埋嘢食等送到都10分钟啦！加加埋埋都无咗10几20分钟㖞，咁赶边食得切呀！佢就即刻黑面回应，公司今晚好爆呀！我都无计㖞，咁你食唔食呀！听到火都嚟咪即刻走啦！你估你叫金不换系海港城就高级啲咩！咁嘅态度系而家个市导好心你哋想管理下啲服务态度啦！同埋得1个钟头20分钟嘅时间你哋好好反省下啦！