大澳德發 (已結業)

下午茶时间嚟到大澳德发，冇叫到佢哋最出名嘅中式小菜小炒，而系叫咗个星洲炒米。食物上枱，几大碟，算抵食。唔知系咪灯光影响，眼见米粉比较浅色，估计咖哩落得唔够。试一啖，果然够咸但唔够咖哩香。配料方面算多，特别系虾仁，虽然系冷藏货色，但都够大够弹牙，唔错。至于杯冻柠茶就值得一赞，柠檬有四大片，绝对唔孤寒，茶味亦够浓。餐厅最值得欣赏嘅系服务态度，因为唔知我会用筷子还是叉，于是店员就一并送上，更笑容可掬，值得一赞。