翠湖海鮮飯店 (木星街)

营业中

休息中

放工一个人食乜好呢？喺天后荡下荡下，咁多选择好难拣。最后决定外卖返屋企食算。就拣咗系翠湖叫外卖烧味饭双拼。因为餐厅喺屋企附近，所以已经帮衬过好多次。有时会堂食点预𩠌。有时会去饮早茶午茶。外卖就次次都系买烧味饭。佢嘅外卖烧味饭以呢区嚟讲都算抵食。$33单并，$38双拼。通常都等5分钟左右就已经有。如果连5分钟都想悭嘅就可以打电话嚟落单先。次次拎到盒饭返屋企，个饭盒仲系好热辣辣㗎，有烟出𠮶只。今日叫咗白切鸡拼叉烧。两款味道都正常出品。不过以呢个地区呢个价钱，有咁新鲜热辣嘅嘢食，我觉得算系唔错喇。下次希望叫到豉油鸡胸啦（次次叫都话卖晒）