千家客 (已結業)

去庙街除咗可以去睇到香港地道特色，仲有好多地度美食都可以系度食到，不过都要俾D心机先可以找到，不过除咗庙街外仲有吴松街同上海街一样有咁多美食系度俾大家选择，有时真系眼花撩乱唔知食乜好之际，唔经唔撞去咗一间有粥有面又有特色小吃嘅食店品尝，而食店系上海街同庙街隔离非常方便找到而餐牌种类大致有汤面，捞面，新鲜生滚粥，消暑下火汤饭，香脆小食同怀旧时令蒸饭等，而且口味有好多选择，而我就点咗传统口味鲜虾云吞面（大）同香脆小食品尝先来系鲜虾云吞面，虾子一粒粒已洒满系面上，而鲜虾云吞有六粒，先饮咗啖清汤入口鲜甜，再来梗系主角云吞，入口滑嘟嘟粉皮够晒薄之余,又食鲜虾爽口弹牙，肉粒嫩滑多汁食落真材实料，而面条亦够幼细，咁先食到传统口味鲜虾云吞面而香脆小食就点咗酥炸鲜虾水饺并云吞，每款各有4粒，上碟已见炸至金黄色，未食已知香脆可口，趁佢仲热辣辣要快D食先得，冻咗会变得冇咁松脆，先食鲜虾水饺咬落脆卜卜面层，内里食到鲜虾大只又弹牙木耳爽滑同笋丝鲜甜，而另一款云吞一样炸得非常出色，入口食到猪肉粒香滑虾肉爽口弹牙，记得点埋开胃酱汁食落更加滋味，最后饮番杯自家煲罗汉果茶中和一下热气，是日晚又食到地道传统风味