日本野 (已結業)

又到每个星期最少一次嘅食好西时间。今日去咗旺角银城商场9楼“日本嘢“食日本嘢。 今晚嘅食物都系set menu到拣出嚟。 先拔头筹有和风柚子鸡翼$58。 鸡翼十分之大只，有劲多嘅柚子酱 ，鸡肉炸到外脆 ，但系鸡肉依然鲜嫩，淋上柚子汁可以中和炸嘅油腻感，十分出色 。 然之后仲有一个刺身拼盘。分别有三文鱼，北芪贝，甜虾同埋八爪鱼。$88有四样嘢，食性价比很不错 。 另外我哋仲嗌咗一个芝士年糕 $28。同样地外脆内，软韧韧嘅口感加上热辣辣嘅芝士 ，幸福感十足。 重头戏来了，分别有精选角切鱼生丼$158同埋蒲烧鳗鱼定食$128。 鱼生丼海量嘅蟹子 ，玉子蛋嘅份量都好多，鲜鲜甜甜， 搅拌后配衬上日本米做嘅醋饭 ，食得饱肚得亦唔会觉得好肥腻。然之后到鳗鱼定食， 会跟一只温泉蛋同一份细细嘅蟹子沙律。 我哋选择咗用温泉蛋去捞饭，加少少鳗鱼汁 ，捞完之后简直可以食到两大碗饭。 鳗鱼嘅份量亦都好充足， 肉质都几肥美。 整体嚟讲呢间日本嘢嘅质素很不错，食物 选择都几多 ，而且服务员嘅态度都几殷勤，不错不错。