高興+ (已結業)

间铺头个名好得意，叫做高兴，系一间有啲似Cafe嘅餐厅，里面食𠮶啲嘢好平民化，简简单单享受慢活。串烧香烤牛柳粒$44只家庭式嘅煎牛柳，外面煎得唔算话好趣，但系就有一种住家嘅味道，另外夹埋大蒜食，减低牛柳粒嘅肥腻感，牛柳粒粒好多汁，食落肉质松软。橙香蟹肉沙律$76呢个沙律非常推介，因为真系有好多蟹肉，而且蟹肉食落都几新鲜，肉质仲系仔细一丝丝嘅，而且仲有海鲜味，配埋橙汁酸酸地好易入口，比起用沙律酱更加清新，而且份量够多，两个人share一盘都足够。叶香烤焗比目鱼$146呢一个睇相就已经好期待，因为用咗荷叶，感觉健康好多，但系上碟嘅时候发现份量有啲小，个鱼好好食，变相就觉得唔系好够，虽然话烤焗，但系个感觉似系蒸多啲，鱼油嘅香味绊住叶香散发出嚟，成个𩠌特别得来有好清新，又系有一种好住家小菜嘅感觉。蒜香车厘茄带子宽条面$88个阔条面嘅质地好似义式嘅云吞咁，有少少厚，咬口十足，而且我钟意佢特别阔，平时比较难食到呢一款pasta，用咗车厘茄去煮，茄汁都唔使落，就可以带出自然嘅酸甜味，非常之健康。两个人食咗$400左右，系一餐清新又写意嘅晚餐。