影片
更多
2020-06-08
254 浏览
朋友想食上海菜，但得两个人点唔到几多款，所以打消左去老派上海菜馆嘅念头，咁岩兰杜街有间兰度小笼包新开冇冇耐，餐牌简而精，常见上海菜式都有，价钱亦都合理，就食佢啦。🍴小笼包（4只） HK$45小龙包外皮皱褶尚算工整，厚薄适中，晶莹剔透，夹起尖端唔易穿，肉馅鲜甜但偏细，汤汁够热唔油腻，加少少醋同姜丝可以提鲜。🍴红烧狮子头 HK$88细个第一次食狮子头，以为真系狮子肉，原来系猪肉。狮子头咬落虽然未到入口即化嘅境界，但尚算软绵，肥瘦比例适中，肥而不腻，冇猪臊味，红烧汁迎合香港人口味，唔会过咸。🍴牛肉丝双面黄 HK$62正宗两面黄应该外脆内软，而呢碟睇落同茶记牛柳丝炒面好似，做法亦都算港式，整个面饼炸脆。虽然唔正宗，但够脆口干身，芡汁唔会太咸同油腻，牛肉份量多过面，不过腌得腍左啲，如果可以，我宁愿面多过牛肉，面先系主角。🍴豆浆 HK$10豆味不错，唔会太稀同太甜。📍兰度小笼包湾仔兰杜街2号丽都大厦地下3号舖
朋友想食上海菜，但得两个人点唔到几多款，所以打消左去老派上海菜馆嘅念头，咁岩兰杜街有间兰度小笼包新开冇冇耐，餐牌简而精，常见上海菜式都有，价钱亦都合理，就食佢啦。
🍴小笼包（4只） HK$45
小龙包外皮皱褶尚算工整，厚薄适中，晶莹剔透，夹起尖端唔易穿，肉馅鲜甜但偏细，汤汁够热唔油腻，加少少醋同姜丝可以提鲜。
🍴红烧狮子头 HK$88
细个第一次食狮子头，以为真系狮子肉，原来系猪肉。狮子头咬落虽然未到入口即化嘅境界，但尚算软绵，肥瘦比例适中，肥而不腻，冇猪臊味，红烧汁迎合香港人口味，唔会过咸。
🍴牛肉丝双面黄 HK$62
正宗两面黄应该外脆内软，而呢碟睇落同茶记牛柳丝炒面好似，做法亦都算港式，整个面饼炸脆。虽然唔正宗，但够脆口干身，芡汁唔会太咸同油腻，牛肉份量多过面，不过腌得腍左啲，如果可以，我宁愿面多过牛肉，面先系主角。
🍴豆浆 HK$10
豆味不错，唔会太稀同太甜。
📍兰度小笼包
湾仔兰杜街2号丽都大厦地下3号舖
张贴
