DINELAND

营业中

休息中

几年冇嚟呢头揾食，真系变左好多，连建生商场都翻生左。朋友试过Dineland话唔错，而且又近我地。环境唔错，有户外位置，午餐选择都唔少，咁就成就左我地嘅午聚。🍽️是日午餐套餐配是日餐汤或田园沙律+黑糖面包🥗田园沙律：沙律菜新鲜，正常发挥。🍞黑糖包细细只，够暖，好软熟。🍝G.黑松露南瓜野菌猫耳朵粉 $88 非常浓郁真材真料嘅南瓜汁仲有粒粒南瓜，钟意南瓜嘅朋友好喜欢，不过就唔系好食到黑松露。🥣是日餐汤：我会叫佢做蘑菇浓汤，因为食到真材实料，够浓好饮。🐟L.香煎格陵兰比目鱼配香草忌廉汁 $116鱼皮煎得香脆，我好钟意食脆鱼皮，啱晒😋。比目鱼好厚身，目测有2吋厚，白雪雪嘅鱼肉好滑，鱼油丰富。炸薯角好脆，由于鱼够味，所以个香草忌廉汁我用嚟沾薯角食。+$30要左精选生蚝2只。🦪不过我觉得麻麻地，嚟到唔冻，应该放左一段时间，带子位唔够实净。餐饮：🍹冻柠水，☕latte跟餐+$15📝人手落单，平日午餐不收加一。💬环境唔错，不过枱与枱之间就窄啲。