浜滝

营业中

休息中

同屋企人去开九龙城就顺便食埋饭，依头都算几多食肆拣，不过屋企人比较偏好日本料理，最后见到店员已系门外热情招待，就入去食餐饭喇～门面颇为简约，以居酒屋做招来，睇落去比较清，唔会好花巧，而屋企人都比较中意朴素为主。环境睇落去虽比较简约，但又带有几分怀旧感觉，墙上贴上左宫崎骏系列同其他电影既纸质海报，而另一边则系一个文满日本酒既墙架，睇落既简洁又有风格浓厚酱油拉面，刚刚上菜既时候汤底不断起泡，原来汤底有一块火山热石助热，不过整体温度唔会烫口，保持系微暖状态，汤底猪骨味好重，亦好有胶质感，拉面有弹性，食落去爽口，而叉烧味道偏淡，有微微既脂肪，口感嫩身～溏心蛋一分为二，有半流心效果，口感嫩滑，蛋浆味非常浓郁炸小海老，好少机会食到既炸小海老，份量好多价钱好实惠，另外伴有柠檬同海盐调味，海虾仔炸得好脆，可以连壳一齐食，因为海虾仔本身既味道都比较淡，加上盐同柠檬汁就岩岩好，岩晒口痕既人食～樱花海老豆腐，布满左好多木鱼花系面层，望落去好有大坂烧既感觉，豆腐以常温送上，口感幼滑，配上木鱼花同小海虾做调味，系唔错既配搭。忌廉薯饼，第一次食到既忌廉薯饼，外面炸至金黄色好脆身，内里系热辣辣凝固左既忌廉同薯粒，忌