Pause It

营业中

休息中

今日Lunch time又嚟到『Pause it』，之前食过，觉得唔错，近近地就Encore一下。佢楼底高，空间阔落，环境简约，又坐得舒服，真系啱哂同朋友短聚，享受时光。。我哋点咗杯冻伯爵茶朱古力，嚟到个样好吸引，伯爵茶同朱古力味偏淡，奶味太重，亦都好甜。食物就点了牛油果莎莎酱炸薯条，即炸薯条几香几脆，份量够多，唔会好油，上面嘅酱料都好多，旁边啲薯条都可以沾埋啲酱食，平和咗热气嘅感觉。😍咸蛋黄单骨鸡翼，配上少少沙律菜，卖相好吸引，食落炸粉唔会太厚，浓郁嘅咸香，香香脆脆，又juicy非常滋味。😋食完呢两样都已经饱了，但我地都点咗主食虎虾青酱螺丝粉。送上嚟嘅时候，同我想像嘅差距好远，餐牌写明系虎虾，点解送到嚟系变咗3只普通大少少嘅虾，虽然虾都好弹牙，就系有啲失望，味道都几好，螺丝粉沾满青酱，食落清新，加上薄薄芝士片，突出了口味。其实呢啲文青打卡café，食物价钱唔算太贵，份量都ok，都经常会坐满人，系炮台山呢啲比较偏嘅地方，咁啱路过系可以去试下。