一汁一菜 (朗豪坊) (已結業)

有時一個人唔一定要去快餐店食頹飯，最近幾年好流行日式小碟都拌飯，但係日式湯加和風定食就更加特別，餐牌上好多選擇好多野都想食，最後揀左日本帆立貝大根豆乳濃湯，配上咖哩雞扒飯，另外加左2個小食分別係厚燒玉子明太子同埋菠菜豚肉梅子拌，先講個豆乳濃湯，入面既帆立貝都好足料，食到起碼都有6粒帆立貝，大根亦炆得好好，有咬口但唔會好林，最緊要係個湯的確好好飲，好濃豆乳味道，而日式咖哩飯既咖哩汁都可以同另外一間日式咖哩專門店比併下，不過我認為一定要推介菠菜豚肉梅子拌，味道好新鮮好醒胃。