影片
更多
2021-10-09
1452 浏览
呢间💛cafe自2014年已经系上环驻足，旧址位于cafe百花齐放既太平山街时早已听闻佢地既pancake🥞出色，不过后期认识更多既反而与佢地既食物无关😅当年何韵诗被取消演出后系由cafe提供空间作为其演出场地🎤呢件事可能并非广为人知，不过若提及到2019年香港既蛋糕师远赴英国参加国际蛋糕节比赛以雨伞⛱、面具🎭同头盔🪖作为参赛作品🎂而被DQ可能会勾起大家既印象，而呢位蛋糕师正正系cafe既成员之一😞.Cafe现址系差馆上街，虽然距离上环地铁站🚇只有8至9分钟路程🐾，不过要有心理准备路上要花d脚力🦵🏻行下斜路同楼梯🙈Cafe以白色x木系为主，日系风格营造出一个舒适环境以贯彻店名理念：为客人提供会面同社交既第三空间，所以呢度有唔少客人系特登走上黎同朋友饮野食野🍴同倾计🗣店内外墙壁更有唔少油画🎨，最吸睛👀既莫过于店内艺妓画像🎎，简约又不失日本传统味道；而尽头系一个户外空间，上盖系温室屋玻璃所以落雨🌧都唔受影响，而呢边既油画风格亦较为大胆，可谓魔鬼😈藏于细节🙊.到访当日店内只有两名店员👫🏼，收拾、落单、制作饮品食物同埋单工作全部由佢地一脚踢，不过佢地依然密切关注客人既需要，每次送上食物同饮品时
呢间💛cafe自2014年已经系上环驻足，旧址位于cafe百花齐放既太平山街时早已听闻佢地既pancake🥞出色，不过后期认识更多既反而与佢地既食物无关😅当年何韵诗被取消演出后系由cafe提供空间作为其演出场地🎤呢件事可能并非广为人知，不过若提及到2019年香港既蛋糕师远赴英国参加国际蛋糕节比赛以雨伞⛱、面具🎭同头盔🪖作为参赛作品🎂而被DQ可能会勾起大家既印象，而呢位蛋糕师正正系cafe既成员之一😞
.
Cafe现址系差馆上街，虽然距离上环地铁站🚇只有8至9分钟路程🐾，不过要有心理准备路上要花d脚力🦵🏻行下斜路同楼梯🙈
Cafe以白色x木系为主，日系风格营造出一个舒适环境以贯彻店名理念：为客人提供会面同社交既第三空间，所以呢度有唔少客人系特登走上黎同朋友饮野食野🍴同倾计🗣
店内外墙壁更有唔少油画🎨，最吸睛👀既莫过于店内艺妓画像🎎，简约又不失日本传统味道；而尽头系一个户外空间，上盖系温室屋玻璃所以落雨🌧都唔受影响，而呢边既油画风格亦较为大胆，可谓魔鬼😈藏于细节🙊
.
到访当日店内只有两名店员👫🏼，收拾、落单、制作饮品食物同埋单工作全部由佢地一脚踢，不过佢地依然密切关注客人既需要，每次送上食物同饮品时亦会向客人讲解同提醒💁🏻♀️
可能好多人会认为呢d只不过系服务员最基本要具备既服务条件，不过每当遇到呢种有❤️🔥既店员，我都忍唔住要表扬一下👍🏻
另外仲想表扬埋佢地既厕所🚻，里面空间虽小，卫生程度高得为客人带黎另类既惊喜😂
******************************
✨24小时浸煮鲜豚肉角煮慢煮蛋谷米茶渍饭🍚 ($120)
呢客茶渍饭系倒入高汤之前就已经系一客日式丼饭，卖相吸引令人垂涎三尺🤤
豚肉🐷外皮烟韧，脂肪层爽脆而不腻，经过长时间烹制既豚肉汁咸度点到即止并无盖过豚肉本身既味道，惹味得黎又唔会过于浓味，上面更洒有紫菜、芝麻同天妇罗脆粒，增加口感同时亦令口感更具层次👄，送饭食真系一流🥢，就算唔系食肉兽既朋友可能食完3块都会觉得意犹未尽😋
至于只慢煮蛋🥚既蛋黄浓稠得黎又有蛋味，谷米混合珍珠米🍚同薏仁，前者饱满圆润，口感烟韧而且几有黏性，与蛋液混合一齐好有细个食鸡蛋捞豉油饭既感觉🙆🏻♀️
日式高汤置于旁边壶内🍶，鲣鱼汤🐟既味道只带淡淡咸味作提鲜，客人可以按返自己喜好倒入合适份量；而配菜有炒本菇🍄同豆芽苗🌱，外加两片紫菜，一客日式饭可以俾客人体验到丼饭、茶渍饭同手卷三种👌🏻不同食法😌
-
✨招牌烧海盐忌廉麻糬班戟配北海道牛奶雪糕及水果🥞 ($85)
班戟一共有7款口味，分别系原味、蓝莓🫐、伯爵茶☕️、黑朱古力🍫、宇治抹茶🍵、花生酱炼奶🥜同黑芝麻，选择多得令人每一款都想试🤩
当日就挑选左比较罕有既黑芝麻口味，班戟厚实而松软，既无日式梳乎厘既空气感☁️亦非蛋糕🍰般口感，非常特别😋 而班戟内更包有本人最爱既麻糬，烟韧得黎唔会过削，中间仲有d类似系黑糖麻糬条既物体，甚具特色🥰
班戟上面黄色既系海盐忌廉，卖相同口感有d似吉士酱，当中夹杂少许海盐粒🧂，有口感得黎味道咸咸地，与班戟既甜味相得益章；上面更洒有香烤燕麦粒、干果、炼奶同埋焦糖脆片(好似食紧焦糖布甸咁🍮)，丰富得黎亦唔会喧宾夺主🤗
虽然牛奶雪糕🍦既牛奶味道🥛未够突出🌟，如果只有雪糕多少都会影响到我对呢客班戟既观感，不过正因为上面淋左浓郁既黑芝麻酱可以弥补到雪糕既不足，我依然会以出色黎形容呢客班戟👍🏻
-
✨泡泡龙 (鲜柠檬气泡斋啡)🍹 ($48)
呢杯泡泡龙由气泡水、lemonade🍋、espresso shot☕️分层而成，饮管由底部吸上最先会饮到类似系柠蜜既甜味🍬，继而系lemonade既苦涩并夹杂espresso既果酸味🍇，去到最尾苦涩味又返返黎，余韵颇为浓烈，系非常有层次既一杯冻咖啡，不过就真系只有少数既人先会接受到柠啡又苦又酸既味道，至少我身边系无人欣赏🤣
店员拎埋黎既时候温馨提示过搅拌既时候唔好太用力免得气泡会谷上黎，个人认为气泡唔干，一开始饮既时候系好爽，不过放左一阵之后气泡就已经差唔多消失晒，稍为扣少少分🤏🏻
-
✨宇治抹茶豆乳拿铁配北海道牛奶雪糕🍵 ($48)
抹茶拿铁用上豆乳，口感比一般既抹茶鲜奶更加浓厚😌
抹茶味道唔算浓郁，回甘唔太明显，味道带几分苦涩而后渗出淡淡豆味，不过因为牛乳雪糕🍦本身带甜，同抹茶豆乳拿铁搅匀之后就唔觉得苦，适合初接触抹茶饮品既朋友🤗******************************
👧🏻人均消费：$150 (另+10%服务费)
😋味道指数：3.9/5
💰抵食指数：3.7/5
🪑环境指数：3.8/5
💁🏻♀️服务指数：4/5
👍🏻再访指数：4/5
-
📍 3rd Space
地址：上环差馆上街16号地舖
⏰营业时间：10:30–18:30 (Mon–Sun)
张贴
