Diff. Cafe (已結業)

呢间喺荃湾嘅纯白Cafe，喺出面一见到佢嘅装修就俾佢吸引到，纯白主题，配上木枱木凳，俾人一种慢活舒适嘅感觉。— — — — — — — — — — — — — — — — — — — — 【泰式烤鸡Pizza】$117呢个pizza 系薄薄饼底，好香口好脆，食呢种Pizza就唔怕会食到济，可以食好多件。特别值得一赞系呢个Pizza非常之足料，上面有青椒、粟米、菠萝、鸡肉粒，酱汁就以茄汁为主，重食到少少辣椒仔汁嘅味， 酸中带点微辣，好滋味！— — — — — — — — — — — — — — — — — — — — 【墨汁海鲜意粉】$110每条意粉都挂满墨汁，连d配料都沾哂墨汁，意粉配料有洋葱、小带子、墨鱼仔、蟹籽、蚬肉，都几多料，除左墨汁，重食到好重蒜油味，而且每一啖都咬到蟹籽爆开，好过瘾。— — — — — — — — — — — — — — — — — — — — 【Dirty】（跟餐$26)渐变层次分明，冇饮开啡嘅朋友都觉得唔错，啡味香浓而不涩，值得一试。【特浓朱古力】$40饮落够滑，浓浓朱古力，朱古力爱好者必试！